மருத்துவ காப்பீடு மறுப்பதா... ரூ.2.36 லட்சம் வழங்க உத்தரவு

கோவை; கோவை, குனியமுத்துார், இடையர்பாளையம் ரோட்டை சேர்ந்த ஜான்சன்டேவிட் என்பவர், ஸ்டார் ெஹல்த் இன்சூரன்ஸ் நிறுவனத்தில், நான்கு லட்சம் ரூபாய்க்கு, 2023, நவ., 26 ல் குடும்ப மருத்துவ காப்பீடு திட்டத்தில் சேர்ந்தார்.இந்நிலையில் அவரது மனைவி கிறிஸ்டினாவுக்கு உடல்நிலை பாதிக்கப்பட்டதால், தனியார் மருத்துவமனையில் சேர்க்க்கப்பட்டார். அவருக்கு இருதய நோய் பாதிப்புக்கு சிகிச்சை அளிக்கப்பட்டது. மருத்துவ சிகிச்சைக்கான கட்டணம், 2.36 லட்சம் ரூபாய் மருத்துவமனைக்கு செலுத்தினார். இத்தொகையினை வழங்க கோரி, இன்சூரன்ஸ் நிறுவனத்துக்கு விண்ணப்பித்தார். ஆனால் இன்சூரன்ஸ் நிறுவனம், மருத்துவ சிகிச்சை கட்டணம் வழங்க மறுத்தது. இதனால் இழப்பீடு வழங்க கோரி, கோவை நுகர்வோர் குறைதீர் ஆணையத்தில் ஜான்சன் டேவிட் வழக்கு தாக்கல் செய்தார். விசாரித்த ஆணைய தலைவர் தங்கவேல் மற்றும் உறுப்பினர்கள் பிறப்பித்த உத்தரவில், 'மனுதாரர் மனைவி சிகிச்சை பெற்றதற்கான கட்டணம், 2.36 லட்சம் ரூபாய் திருப்பி வழங்க வேண்டும். மன உளைச்சலுக்கு இழப்பீடாக, 10,000 ரூபாய், வழக்கு செலவு, 5,000 ரூபாய் வழங்க வேண்டும் என்று தெரிவித்துள்ளனர்.