தினமலர் - பட்டம் இதழ் சார்பில் வினாடி - -வினா நாச்சியார் தி வேர்ல்டு பள்ளி மாணவர்கள் அசத்தல்

பொள்ளாச்சி: 'தினமலர்' நாளிதழின் மாணவர் பதிப்பான, 'பட்டம்' இதழ் மற்றும் எஸ்.என்.எஸ். கல்விக்குழுமம் சார்பில், 'பதில் சொல் -- பரிசை வெல்' மெகா வினாடி --- வினா போட்டி, பொள்ளாச்சி அருகே ஜமீன்ஊத்துக்குளி 'நாச்சியார் தி வேர்ல்டு' பள்ளியில் நடந்தது. மாணவர்களின் கற்றல் ஆர்வம் மற்றும் நுண்ணறிவு திறனை ஊக்குவித்து, படிப்பின் மீதான ஆர்வத்தை விரிவுப்படுத்துவதற்காக, 'தினமலர்' நாளிதழ் 'பட்டம்' இதழ் சார்பில், மெகா வினாடி -- -வினா போட்டிகள் ஆண்டுதோறும் நடத்தப்பட்டு வருகின்றன. நடப்பாண்டு போட்டியானது, 'தினமலர்' நாளிதழின், 'பட்டம்' மற்றும் எஸ்.என்.எஸ். கல்விக் குழுமம் இணைந்து நடத்தும் வினாடி- - வினா போட்டிக்கு, 'சத்யா ஏஜென்சிஸ்' மற்றும் 'ஸ்போர்ட்ஸ் லேண்ட்' நிறுவனங்கள், 'கிப்ட் ஸ்பான்சர்'களாக இணைந்துள்ளன. இப்போட்டியில், கோவை, திருப்பூர், நீலகிரி மாவட்டங்களில் இருந்து, 150க்கும் மேற்பட்ட பள்ளி மாணவர்கள் பங்கேற்கின்றனர். பள்ளி அளவில் முதலிடம் பிடிக்கும் அணியினர், அரையிறுதிக்கு தகுதி பெறுவர். அவர்களில் இருந்து தேர்வாகும் எட்டு அணியினர், இறுதிப்போட்டியில் பங்கேற்பர். அவ்வகையில், பொள்ளாச்சி அருகே ஜமீன்ஊத்துக்குளி 'நாச்சியார் தி வேர்ல்டு' பள்ளியில் வினாடி வினா போட்டி நடத்தப்பட்டது. தகுதிச்சுற்றில், 102 மாணவர்கள் பங்கேற்றனர். அதில், அதிக மதிப்பெண் பெற்ற, 16 மாணவ, மாணவியர், எட்டு அணிகளாக பிரிக்கப்பட்டு பள்ளி அளவில் இறுதிப்போட்டியில் பங்கேற்றனர். மூன்று சுற்றுகளாக நடந்த விறுவிறுப்பான இறுதிப்போட்டியில், 'எச்' அணி முதல் பரிசை வென்றது. அந்த அணியில் இடம் பெற்ற 9ம் வகுப்பு மாணவி நேஹாஸ்ரீ, 7ம் வகுப்பு மாணவி கீர்த்தனா ஆகியோர் வெற்றி பெற்றனர். வெற்றி பெற்ற மாணவர்களுக்கு, பள்ளித்தாளாளர் மணிசின்னசாமி, முதல்வர் விஜயலட்சுமி, ஒருங்கிணைப்பாளர் சுதா, ஆசிரியர் அபிேஷக் ஆகியோர் பதக்கங்கள் மற்றும் சான்றிதழ்களை வழங்கி பாராட்டினர். அறிவை செம்மைப்படுத்துகிறது பள்ளி முதல்வர் விஜயலட்சுமி கூறுகையில், 'அறிவுத்திறனைப்பெருக்க நினைக்கும் மாணவர்கள் 'தினமலர் பட்டம்' இதழ் படித்தால் பயனடையலாம். அந்த அளவிற்கு வரலாறு, அறிவியல், கணிதம் என பல துறை சார்ந்த தகவல்கள் மட்டுமின்றி மனிதனின் வளமான வாழ்வியலுக்கு ஏற்ற தகவல்கள் அடங்கியுள்ளன. பட்டம் இதழில், ஒவ்வொரு தலைப்பில் வெளியாகும் அரிய தகவல்களும் மாணவ, மாணவியரின் அறிவை செம்மைப்படுத்துகிறது.

அறிவு களஞ்சியம்

மாணவி நேஹாஸ்ரீ : 'தினமலர் - பட்டம்' இதழை தொடர்ந்து படித்து வருகிறேன். அதனால், வினாடி- வினாவில் கேட்கப்பட்ட வினாக்களுக்கு எளிதாக சிந்தித்து பதில் அளிக்க முடிந்தது. அறிவு களஞ்சியமாக திகழும் 'பட்டம்' இதழை படித்து வந்தால் ஐ.ஏ.எஸ்., ஐ.பி.எஸ்., தேர்வுகளிலும் வெற்றி பெறலாம் என, ஆசிரியர்கள் அறிவுறுத்தி வருகின்றனர். மாணவி கீர்த்தனா: பட்டம் இதழ் படிக்க, ஆசிரியர்கள் உறுதுணையாக உள்ளனர். எனது, எழுத்து மற்றும் வாசிப்புத்திறன் மேம்பட பட்டம் இதழ் பெரிதும் உதவுகிறது. பொதுஅறிவை வளர்த்துக் கொள்ள தொடர்ந்து 'பட்டம்' இதழை படிப்பேன்.