சங்கப் பணியாளர்களுக்கு மருத்துவ இலவச முகாம்

கோவை: கோவை ராமலிங்கம் கூட்டுறவு மேலாண்மை நிலையத்தில், மருத்துவ இலவச முகாம் நடந்தது.கோவை மண்டல கூட்டுறவு சங்கங்களில் பணிபுரியும் பணியாளர்கள் நலன் கருதி, கோவை மாவட்ட கூட்டுறவுத் துறையும், பி.எஸ்.ஜி., மருத்துவமனையும் இணைந்து, இரு நாட்கள், மருத்துவ இலவச முகாம் நடத்தின. கோவை மண்டல இணைப்பதிவாளர் அழகிரி துவக்கி வைத்தார்.கோவை மண்டலத்தில் உள்ள அனைத்து கூட்டுறவுத் துறை பணியாளர்களுக்கும், எலும்பியல், பொது மருத்துவம், காது, மூக்கு, தொண்டை, பல், கண், மகப்பேறு, இருதயம், ரத்தப் பரிசோதனை, உயர் ரத்த அழுத்தப் பரிசோதனை ஆகியவை மேற்கொள்ளப்பட்டு ஆலோசனை வழங்கப்பட்டது.கோவை சரக துணைப்பதிவாளர் விஜயகணேஷ், பொள்ளாச்சி சரக துணைப்பதிவாளர் சுவேதா, மாவட்ட துணைப்பதிவாளர் ராஜேந்திரன், ராமலிங்கம் கூட்டுறவு மேலாண்மை நிலைய முதல்வர் கீதா, சுபாஷினி (பயிற்சி) உட்பட பலர் பங்கேற்றனர்.