நேந்திரன் விலை ஜிவ் செவ்வாழை விலை சரிவு

கிணத்துக்கடவு; கிணத்துக்கடவு தினசரி காய்கறி மார்க்கெட்டில், கடந்த வாரத்தை விட வாழைத்தார் வரத்து அதிகரித்து காணப்பட்டது.கிணத்துக்கடவு தினசரி காய்கறி மார்க்கெட்டில், செவ்வாழை கிலோ - 45, நேந்திரன் -- 45 முதல் 50, பூவன் --- 30, கதளி --- 45, ரஸ்தாளி --- 40, சாம்பிராணி வகை வாழைத்தார் --- 45 ரூபாய்க்கு விற்பனையானது.கடந்த வாரத்தை விட தற்போது செவ்வாழை கிலோ - 25, ரஸ்தாளி மற்றும் சாம்பிராணி வகை வாழைத்தார் --- 5 ரூபாய் விலை குறைந்துள்ளது. நேந்திரன் - -10 மற்றும் கதளி --- 5 ரூபாய் விலை அதிகரித்துள்ளது.வியாபாரிகள் கூறுகையில், 'கடந்த வாரத்தை காட்டிலும், தற்போது அனைத்து வகை வாழைத்தார்கள் வரத்தும் அதிகரித்துள்ளது. செவ்வாழை வரத்து அதிகரித்துள்ள நிலையில், விலை குறைந்துள்ளது. வரும் நாட்களில் வரத்து அதிகமானால், விலையில் மாற்றம் ஏற்படும்,' என்றனர்.