ஆபாச பேனர் புகார் அகற்றிய போலீசார்
பெ.நா.பாளையம் : பெரியநாயக்கன்பாளையம் அருகே மேட்டுப்பாளையம் ரோட்டில் வைக்கப்பட்டிருந்த ஆபாச விளம்பர பேனரை, போலீசார் அகற்றினர்.பெரியநாயக்கன்பாளையம் அருகே, பிரஸ்காலனி தம்பு மேல்நிலைப் பள்ளி அருகே, உள்ளாடை குறித்த பிரம்மாண்ட விளம்பர பேனர் வைக்கப்பட்டிருந்தது. போக்குவரத்து நெருக்கடி மிகுந்த இப்பகுதியில் வைக்கப்பட்டிருந்த, ஆபாச பேனரால் பொதுமக்கள் முகம் சுளித்தனர்.விபத்து ஏற்படும் அபாயமும் உள்ளது என்பது குறித்து, சமூக வலைதளங்கள் வாயிலாக, போலீசாரின் கவனத்துக்கு பொதுமக்கள் கொண்டு சென்றனர். பெரியநாயக்கன்பாளையம் போலீசார் ஆபாச பேனரை உடனடியாக அகற்றினர்.