இதயத்தின் செயல்பாடு அறிய கே.எம்.சி.எச்.ல் சிறப்பு முகாம்
கோ வை - அவிநாசி ரோட்டில் உள்ள, கோவை மெடிக்கல் சென்டர் மருத்துவமனையில், சிறப்பு இதய பரிசோதனை முகாம், 30ம் தேதி வரை நடக்கிறது. கே.எம்.சி.எச். நிர்வாகத்தினர் கூறியதாவது: சர்க்கரை பாதிப்பு, ரத்த அழுத்தம், ரத்தத்தில் கொழுப்பு, உடல் பருமன், புகை பிடித்தல், உடற்பயிற்சி இல்லாதது, மன அழுத்தம் உள்ளிட்ட காரணங்களால், இதய பாதிப்பு மற்றும் மாரடைப்பு ஏற்படுகிறது. பொதுவாக, 40 வயதுக்கு மேல் மாரடைப்பு ஏற்பட வாய்ப்புள்ளது. இதை தடுக்க, ரத்தத்தில் சர்க்கரை அளவு, இ.சி.ஜி, ரத்தத்தில் கொழுப்பு, உப்பு, ரத்த அழுத்தம், டி.எம்.டி. அல்லது எக்கோ பரிசோதனை செய்து, பாதிப்பு உள்ளதா என்பதை கண்டறியலாம். அவ்வாறு பாதிப்பு இருப்பின் உடனடியாக அதற்கான சிகிச்சை மேற்கொள்ளலாம். பாதிப்பு ஏற்படுவதற்கான அறிகுறி இருப்பின், முன்னரே கண்டறிந்து, தடுப்பதற்கான வழிமுறைகளை கடைபிடிக்கலாம். இதய அடைப்பை கண்டறிய ஆஞ்சியோகிராம் பரிசோதனை மேற்கொள்ள வேண்டும். அடைப்பு இருந்தால், ஆஞ்சியோ பிளாஸ்டி மற்றும் பைபாஸ் அறுவை சிகிச்சை வாயிலாக அடைப்பை நீக்கலாம். இதய செயல்பாட்டை கண்டறியும் சிறப்பு பரிசோதனை முகாம், கே.எம்.சி.எச்.ல்,30ம் தேதி வரை நடக்கிறது. காலை, 7:00 முதல் மதியம், 1:00 மணி வரை நடக்கும். சர்க்கரை, கொழுப்பு, கிரியேட்டினின், இ.சி.ஜி. எக்கோ அல்லது டி.எம்.டி மேற்கொள்ளப்படுகிறது. கட்டணம் ரூ.1,750. மருத்துவர் ஆலோசனை இலவசமாக வழங்கப்படும். முன்பதிவுக்கு, 74188 87411 இவ்வாறு தெரிவித்தனர்.