கோவை - ஜெய்ப்பூர் இடையே சிறப்பு ரயில்

கோவை: கோவை -ஜெய்ப்பூர் இடையே சிறப்பு ரயில்கள் இயக்கப்படும் என, ரயில்வே நிர்வாகம் அறிவித்துள்ளது. அதன்படி, கோவை - ஜெய்ப்பூர்(06181) இடையேயான சிறப்பு ரயில், வரும், 7 முதல், செப்., 4 ம் தேதி வரை வியாழக்கிழமைகளில், கோவையில் இருந்து அதிகாலை 2:30 மணிக்கு புறப்பட்டு, சனிக்கிழமை மதியம் 1:25 மணிக்கு ஜெய்ப்பூர் சென்றடையும். ஜெய்ப்பூர் - கோவை(06182) இடையேயான சிறப்பு ரயில் வரும், 10 முதல், செப்., 7ம் தேதி வரை ஞாயிற்றுக்கிழமைகளில், ஜெய்ப்பூரில் இருந்து இரவு 10:05 மணிக்கு புறப்பட்டு, புதன் கிழமை காலை 8:30 மணிக்கு கோவை வந்தடையும். சிறப்பு ரயில்களில் ஏ.சி., மூன்றடுக்கு, மூன்றடுக்கு எகானமி, படுக்கை வசதி கொண்ட பெட்டிகள் இணைக்கப்பட்டிருக்கும்.திருப்பூர், ஈரோடு, சேலம், ஜோலார்பேட்டை, காட்பாடி, ரேணிகுண்டா, கடப்பா, நிசாமாபாத், புர்னா உள்ளிட்ட பல்வேறு ரயில்வே ஸ்டேஷன்களில் நின்று செல்லும்.