மாநகரில் இன்றைய சிறப்பு நிகழ்ச்சிகள்

வயது தடையில்லை

சாதனைக்கு வயது தடையில்லை என பலர் கூற கேட்டு இருப்போம். அதை நேரில் காண, கோவை நேரு மைதானத்தில் நடைபெறும் மூத்தோர் தடகள போட்டியை இன்று காணலாம். 30 வயது முதல் 95 வயதுடையவர்களுக்கான தடகள போட்டிகள் காலை, 7:00 மணி முதல் துவங்கவுள்ளன.

புதிய உதயம்

காரமடை காந்திநகர் அருகில், கே.சி.பி., கார்டன் திறப்பு விழா இன்று காலை,10:00 மணியளவில் நடைபெறவுள்ளது. டிவி பிரபலங்கள் மணிமேகலை, பாலா பங்கேற்கவுள்ளனர்.

வெற்றி சிந்தனைகள்

சூலுார் முத்துக்கவுண்டன்புதுார் விவேகானந்தர் அரங்கில், விழிப்புணர்வு சிறப்புரை, வெற்றி சிந்தனைகள் என்ற தலைப்பில் இன்று நடக்கிறது. சுவாமி விவேகானந்தர் இளைஞர்சக்தி இயக்கம் சார்பில், மாலை, 5:45 முதல் 8:00 மணி வரை நடைபெறவுள்ளது.

தமிழ் நெறிச்செம்மல்

நன்னெறிக்கழகம் சார்பில், ஆண்டுவிழா மற்றும் தமிழ் நெறிச்செம்மல் விருது வழங்கும் விழா மாலை, 6:30 மணியளவில் கிக்கானி பள்ளி அரங்கில் நடைபெறவுள்ளது.

விதைத்திருவிழா

தாய்மண் இயற்கை விவசாயிகள் கூட்டமைப்பு மற்றும் விதை சேகரிப்பாளர் கூட்டமைப்பு சார்பில், நாட்டு மாடுகளின் கண்காட்சி, விதைத்திருவிழா சிங்காநல்லுார் வரதராஜபுரம் கே.எஸ்.ஜி. கல்லுாரியில் நடைபெறவுள்ளது. காலை, 9:00 முதல் மாலை, 5:00 மணி வரை நிகழ்வுகள் நடைபெறும்.

நாம பாராயணம்

விஷ்ணு நாம பாராயண கமிட்டி சார்பில், இடையர்பாளையம் வி.ஆர்.ஜி. திருமண மஹாலில், நாம பாராயணம் நிகழ்வு நடைபெறவுள்ளது. காலை, 5:30 மணிக்கு கணபதி ஹோமம், 6:30 மணிக்கு கோ பூஜை, 7:00 மணி முதல் பாராயணம் நடக்கிறது.

மாணவர்கள் சங்கமம்

சின்னத்தடாகம் அரசு மேல்நிலைப்பள்ளியில், முன்னாள் மாணவர்கள், ஆசிரியர்கள் சங்கம நிகழ்வு காலை, 10:00 மணிக்கு பள்ளி அரங்கில் நடக்கிறது.

ராமாயணம் சொற்பொழிவு

ராம்நகர், கோதண்டராமசுவாமி தேவஸ்தானத்தில், 'நிர்வாண ராமாயணம் பகுதி-2' என்ற தலைப்பில், ஆன்மிக சொற்பொழிவு நடக்கிறது. காலை, 10:00 முதல் மதியம், 12:00 மணி வரை, பூஜ்ய ஸ்ரீ ரமண சரண தீர்த்த சுவாமிகள் உரையாற்றுகின்றார்.

ஆன்மிக சொற்பொழிவு

ராம்நகர், சத்தியமூர்த்தி நகர், ஸ்ரீ ஐயப்பன் பூஜா சங்கத்தில், புரட்டாசி மாத ஆன்மிக சொற்பொழிவு நடக்கிறது. மாலை, 6:30 முதல் 8:30 மணி வரை, 'அருணாசல அனுபவம்' என்ற தலைப்பில், ஸ்ரீ ரமணசரண தீர்த்தர் நொச்சூர் சுவாமிகள் உரையாற்றுகிறார்.