இலவச தொழில் பயிற்சி பெற பெண்களுக்கு அழைப்பு

அன்னுார்; பிள்ளையப்பன்பாளையத்தில், பி.எஸ்.ஜி.ஆர்., கிருஷ்ணம்மாள் மகளிர் கல்லூரியின் கிராமப்புற மகளிர் தொழில்நுட்ப பூங்கா செயல்பட்டு வருகிறது. இங்கு ஆஸ்திரேலியா அரசின் நேரடி உதவி திட்டத்தில் உணவு பொருட்கள் தயாரிப்பு, பதப்படுத்துதல், கம்ப்யூட்டர் கல்வி, வணிக பயிற்சி குறித்து ஒரு மாத கால இலவச பயிற்சி வகுப்பு துவங்க உள்ளது.இந்த ஆண்டில் ஒன்பது பயிற்சி வகுப்புகள் மட்டுமே நடைபெற உள்ளது. 18 வயது முதல் 45 வயது வரை உள்ள பெண்கள் இப்பயிற்சியில் பங்கேற்கலாம். கட்டணம் இல்லை. பயிற்சி முடிவில் சான்றிதழ் வழங்கப்படும். தொழில் துவங்குவதற்கு உரிய உதவிகள் செய்து தரப்படும்.'தினமும் காலை 10:00 மணி முதல் மாலை 3:00 மணி வரை பயிற்சி நடைபெறும். மேலும் விவரங்களுக்கு 90037 65656 என்னும் மொபைல் எண்ணை தொடர்பு கொள்ளலாம்,' என அலுவலர்கள் தெரிவித்துள்ளனர்.