சவுந்திரசோழபுரத்தில் குடிநீர் தொட்டி திறப்பு விழா

பெண்ணாடம் : பெண்ணாடம் அடுத்த சவுந்திரசோழபுரத்தில் புதிய குடிநீர் தொட்டி திறக்கும் நிகழ்ச்சி நடந்தது.நிகழ்ச்சிக்கு, அ.தி.மு.க., மாவட்ட கவுன்சிலர் சுப்பிரமணியன் தலைமை தாங்கினார். அ.தி.மு.க., நல்லுார் தெற்கு ஒன்றிய செயலாளர் ராஜேந்திரன் பங்கேற்று, ஊரக வளர்ச்சி மற்றும் ஊராட்சித்துறை சார்பில், மாவட்ட கவுன்சிலர் நிதி 3 லட்சம் ரூபாய் மதிப்பில் புதிதாக கட்டப்பட்ட குடிநீர் தொட்டியை மக்கள் பயன்பாட்டிற்கு திறந்து வைத்தார்.முன்னாள் கூட்டுறவு சங்க தலைவர் ராமலிங்கம், அ.தி.மு.க., முன்னாள் ஒன்றிய பொருளாளர் சேகர், ஒப்பந்ததாரர் வெங்கடேசன், வார்டு கவுன்சிலர்கள், ஊராட்சி பணியாளர்கள் உட்பட பலர் பங்கேற்றனர்.