மிலாடிநபி விழாவில் 4 ஜோடிகளுக்கு திருமணம்

கிருஷ்ணகிரி: கிருஷ்ணகிரி புதுப்பேட்டையில், அனைத்து சமுதாய மக்களும் கலந்து கொள்ளும், 15ம் ஆண்டு நபிகள் நாயகம் பிறந்த நாள் மற்றும் மிலாடிநபி விழா நேற்று நடந்தது. விழாவில், 4 இஸ்லா-மிய ஜோடிகளுக்கு இலவசமாக கட்டில், பீரோ, மெத்தை, காஸ் அடுப்பு என, 58 வகையான சீர்வரிசைகளுடன் திருமணமும், 5,000 பேருக்கு பிரியாணி விருந்தும் வழங்கப்பட்டன. தி.மு.க., பொதுக்குழு உறுப்பினர் அஸ்லம் தலைமையில் நடந்த இவ்வி-ழாவில், பர்கூர், தி.மு.க., - எம்.எல்.ஏ., மதியழகன், திருமண ஜோடிகளுக்கு சீர்வரிசைகளை வழங்கி, பிரியாணி விருந்தை துவக்கி வைத்தார். மேலும், 500 பள்ளி குழந்தைகளுக்கு நலத்-திட்ட உதவிகளையும் வழங்கினார். இதில், மிலாடிநபி விழாக்-குழு செயலாளர் கராமத் உள்பட பலர் பங்கேற்றனர்.