மண்புழு வளர்ப்பு பயிலரங்கம்

தர்மபுரி:தர்மபுரி அருகே, பைசுஹள்ளியில் செயல்பட்டு வரும் பெரியார் பல்கலைக்கழக பட்டமேற்படிப்பு மற்றும் ஆராய்ச்சி மையத்தில், உயிரி தொழில்நுட்பத் துறை சார்பில் மண்புழு வளர்ப்பு குறித்த பயிலரங்கம் நடந்தது.உயிரித் தொழில்நுட்பத் துறை உதவிப் பேராசிரியர் அமுதா வரவேற்றார். ஆராய்ச்சி மைய இயக்குனர் (பொ) செல்வபாண்டியன் தலைமை உரையாற்றினார். பயிலரங்கம் குறித்த அறிமுகத்தை ஒருங்கிணைப்பு செயலர் காமராஜ் வழங்கினார்.இதில், சேலம் பெரியார் பல்கலைக்கழக விலங்கியல் துறை உதவி பேராசிரியர் தங்கராஜ், மண்புழு வளர்ப்பின் அடிப்படை கொள்கைகள், வளர்ப்பு முறைகள், தொழில்நுட்பங்கள், பயன்கள் மற்றும் நடைமுறை பயன்பாடுகள் குறித்து விளக்கினார். கவுரவ விரிவுரையாளர் முத்துசாமி நன்றி கூறினார்.