மங்களூர் - சென்னை ரயில் மொரப்பூரில் நின்று செல்ல வலியுறுத்தல்

மொரப்பூர், தர்மபுரி மாவட்டம், மொரப்பூர் ரயில்வே ஸ்டேஷனில், நேற்று மாலை ரயில் பயணிகள் ஆலோசனை கூட்டம் நடந்தது. சேலம் ரயில்வே கோட்ட கூடுதல் மேலாளர் சரவணனிடம், மொரப்பூர் ரயில் பயணிகள் சங்க பொதுச்செயலாளர் ரகுநாதன் உள்ளிட்டோர் அளித்த கோரிக்கை மனுவில் கூறியுள்ளதாவது:மங்களூர்-சென்னை செல்லும் எக்ஸ்பிரஸ் ரயில், அதிகாலை, 3:40 மணிக்கு மொரப்பூரில் நின்று செல்ல நடவடிக்கை எடுக்க வேண்டும். அதே போல், சந்திரகாரா-மதுரை-சந்திரகாரா, திருவனந்தபுரம் ஆகிய எக்ஸ்பிரஸ் ரயில்கள் நின்று செல்ல நடவடிக்கை எடுக்க வேண்டும். மேலும், மொரப்பூர்- அப்பியம்பட்டி சாலையில், உள்ள ரயில்வே தரைப்பாலத்தில் தேங்கும் மழைநீரை வெளியேற்றுவதற்கு பைப்லைன் அமைக்க அனுமதி வழங்க வேண்டும்.இவ்வாறு, அதில் தெரிவித்துள்ளனர்.