முதல்வர் கோப்பை போட்டிக்கு அழைப்பு

திண்டுக்கல்: திண்டுக்கல் கலெக்டர் பூங்கொடி அறிக்கை : தமிழ்நாடு விளையாட்டு மேம்பாட்டு ஆணையம், இளைஞர் நலன்,விளையாட்டு மேம்பாட்டுத்துறை சார்பில் முதலமைச்சர் கோப்பை விளையாட்டுப் போட்டிகள் செப்டம்பர்,அக்டோபரில் மாவட்டம், மண்டலம் ,மாநில அளவில், பள்ளி, கல்லுாரி மாணவர்கள், பொதுமக்கள், அரசு ஊழியர்கள்,மாற்றுத்திறனாளிகள் என ஐந்து பிரிவுகளில் நடக்க உள்ளது.பள்ளி மாணவர்கள்12 முதல் 19 வயது வரை , கல்லுாரி மாணவர்கள் 17 முதல் 25 வயது வரை, மாற்றுத்திறனாளிகள் அனைத்து வயது பிரிவினர் , பொதுப்பிரிவினர் 15 முதல் 35 வயது வரை, அந்தந்த மாவட்டத்தில் பணிபுரியும் அரசு ஊழியர்கள் பங்கேற்கலாம். விருப்பம் உள்ளவர்கள் https://sdat.tn.gov.in முகவரியில் CM Trophy 2024 - Online Registration- Player Login - ல் ஆக. 25 மாலை 5:00 மணிக்குள் முன்பதிவு செய்து அதற்கான ஆவணங்களை சமர்ப்பித்து பதிவேற்றம் செய்ய வேண்டும். வங்கி புத்தக நகல் பதிவேற்றம் செய்ய வேண்டும். ஒருவர் 2 பிரிவுகளில் பங்கேற்கலாம்.குழு விளையாட்டுப் போட்டிகளில் ஒருவர் ஒரு விளையாட்டில் மட்டுமே பங்கேற்க வேண்டும். பள்ளி,கல்லுாரி உண்மைத்தன்மை சான்று,அடையாளஅட்டை பதிவேற்ற வேண்டும். பொதுப்பிரிவில் பங்கேற்கும் வீரர்கள் ஆதார் சான்றிதழ் பெறப்பட்டுள்ள மாவட்டம் சார்பாக மட்டுமே பங்குபெற இயலும்.மாவட்டம்,மண்டல அளவிலான போட்டிகளில் தனிநபர் போட்டிகளில் வெற்றி பெறுபவர்களும், குழு போட்டிகளில் தேர்வு செய்யப்படுபவர்களும் மாநில அளவிலான போட்டிகளில் கலந்துக்கொள்வார்கள். மாவட்ட விளையாட்டு,இளைஞர் நலன் அலுவலர், மாவட்ட விளையாட்டரங்கம், தாடிக்கொம்பு ரோடு, திண்டுக்கல் என்ற முகவரியில் நேரிலோ ,74017 03504 ல் தொடர்புகொள்ளலாம் எனக்குறிப்பிட்டுள்ளார்.