முதுகலை பட்டதாரி ஆசிரியர் கவுன்சிலிங்

திண்டுக்கல் : திண்டுக்கல் மாவட்டத்தில் முதுகலை பட்டதாரி ஆசிரியர்களுக்கான இடமாறுதல் கவுன்சிலிங் நாளை துவங்குகிறது. மாவட்ட முதன்மை கல்வி அலுவலர் அசோகன் கூறியதாவது:மாவட்டத்தில் உள்ள அனைத்து அரசு உயர்நிலை, மேல்நிலைப்பள்ளிகளில் பணியாற்றும் முதுகலைப்பட்டதாரி ஆசிரியர்கள், உடற்கல்வி இயக்குனர்கள், பட்டதாரி ஆசிரியர்கள், ஆசிரிய பயிற்றுனர்கள், இடைநிலை ஆசிரியர், உடல்கல்வி ஆசிரியர்கள், சிறப்பாசிரியர்களுக்கு பொது கவுன்சிலிங் பழநிரோட்டில் உள்ள அரசு ஆண்கள் மேல்நிலைப்பள்ளியில் நடக்கிறது.நாளை மாவட்டத்திற்குள் மாறுதல் கோரும் ஆசிரியர்களுக்கும், செப்டம்பர் 20 ல் வெளிமாவட்டத்திலிருந்து, மாவட்டத்திற்கு மாறுதல் கோரும் ஆசிரியர்களுக்கும் கவுன்சிலிங் நடக்கிறது, என்றார்.