மூதாட்டியை தாக்கி 4 பவுன் நகை கொள்ளை

ஒட்டன்சத்திரம்:திண்டுக்கல் மாவட்டம் ஒட்டன்சத்திரம் சம்சுதீன் காலனியில் மாடி வீட்டில்குடியிருப்பவர் நுார்ஜஹான் 80. கணவர் அப்துல்லா இறந்துவிட்டார். கீழ் தளத்தில் மகன் குப்துப் ஜமான் வசித்து வருகிறார். நேற்று முன்தினம் மதியம் 3:00 மணிக்கு வீட்டில் நுார்ஜகான் தனியாக இருந்தபோது கதவை உடைத்து உள்ளே புகுந்த நபர் நுார்ஜகானை தாக்கிய அவர் அணிந்திருந்த தோடு, மோதிரம், செயின் என 4 பவுன் நகையை பறித்து கொண்டு அவரை கீழே தள்ளிவிட்டு தப்பினார். சிறிது நேரத்தில் தாயை பார்க்க வந்த மகன், மயங்கி கிடந்த தாயை மதுரை தனியார் மருத்துவமனையில் சேர்த்தார் .திண்டுக்கல் எஸ்.பி., பிரதீப் விசாரணை நடத்தினார். ஒட்டன்சத்திரம் போலீசார் கண்காணிப்பு கேமரா காட்சிகளை ஆய்வு செய்து கொள்ளையனை தேடி வருகின்றனர்.