பழநியில் இன்று தைப்பூச திருக்கல்யாணம் நாளை தேரோட்டம்

பழநி:பழநி முருகன் கோயில் தைப்பூசத்திருவிழாவையொட்டி இன்று பெரிய நாயகி அம்மன் கோயிலில் திருக்கல்யாணம், நாளை தேரோட்டம் நடக்கிறது.இக்கோயில் தைப்பூசத் திருவிழா ஜன. 19ல் பெரியநாயகி கோயிலில் கொடியேற்றத்துடன் துவங்கியது. விழா நாட்களில் பல்வேறு வாகனங்களில் சுவாமி புறப்பாடு நடக்கிறது. ஆறாம் நாளான இன்று இரவு 7:00 மணிக்கு வள்ளி,தெய்வ நாயகி அம்மன் சமேத முத்துக்குமார சுவாமி திருக்கல்யாணம் ,இரவு 9:00 மணிக்கு வெள்ளி ரதத்தில் சுவாமி புறப்பாடு நடைபெறும். நாளை (ஜன. 25 ) மாலை 4:30 மணிக்கு தேரில் சுவாமி எழுந்தருள தேரோட்டம் நடக்கிறது . பத்தாம் நாளான ஜன.28ல் இரவு 7:00 மணிக்கு தெப்பத்தேரோட்டம் , இரவு 11:00 மணிக்கு கொடி இறக்குதலுடன் உற்ஸவம் நிறைவு பெறுகிறது