ஈரோடு புத்தக திருவிழா இன்று மாலை துவக்கம்

ஈரோடு, ஈரோடு சிக்கய்ய அரசு கலை மற்றும் அறிவியல் கல்லுாரி மைதானத்தில், இன்று முதல் வரும், 12ம் தேதி வரை அரசு மற்றும் மக்கள் சிந்தனை பேரவை சார்பில், ஈரோடு புத்தகத்திருவிழா நடக்க உள்ளது. மாலை, 6:00 மணிக்கு கலெக்டர் கந்தசாமி தலைமையில் வீட்டு வசதித்துறை அமைச்சர் முத்துசாமி துவக்கி வைக்கிறார். மக்கள் சிந்தனை பேரவை தலைவர் ஸ்டாலின் குணசேகரன் வரவேற்கிறார். 2ம் தேதி முதல் தினமும் காலை, 11:00 முதல் இரவு, 9:30 மணி வரை புத்தக கண்காட்சி செயல்படும். தினமும் மாலை, 6:00 மணிக்கு சொற்பொழிவு நடக்கும். மொத்தம், 230 அரங்குகளில் நுால்கள் விற்பனைக்கு வைக்கப்படும். அனைத்து நுால்களுக்கும், 10 சதவீத தள்ளுபடி உண்டு. கல்வி நிறுவனங்கள், நுாலகங்களுக்கு கூடுதல் விலை சலுகை அறிவிக்கப்பட்டுள்ளது.