பள்ளி மாணவ, மாணவியரை பாராட்டிய கோபி எம்.எல்.ஏ.,

கோபி, கோபி சட்டசபை தொகுதியில், 44 லட்சம் ரூபாய் மதிப்பில், வளர்ச்சி திட்டப்பணிகளை, கோபி , அ.தி.மு.க.,-எம்.எல்.ஏ., செங்கோட்டையன் நேற்று துவக்கி வைத்தார்.கோபி சட்டசபை தொகுதிக்கு உட்பட்ட, பாரியூர், நஞ்சை கோபி, லக்கம்பட்டி, பா.வெள்ளாபாளையம் உள்ளிட்ட பகுதியில், 44 லட்சம் ரூபாய் திட்ட மதிப்பில், புதிய தார்சாலை, புதிய ரேஷன் கடை கட்டமைப்பு பணிக்கான பூமி பூஜையை, அ.தி.மு.க.,- எம்.எல்.ஏ., செங்கோட்டையன் நேற்று துவக்கி வைத்தார். அதையடுத்து கரட்டடிபாளையம் அரசு மேல்நிலைப்பள்ளி, வெள்ளாளபாளையம் மற்றும் குள்ளம்பாளையம் அரசு உயர்நிலைப்பள்ளிகளில், கடந்த, 2024-2025 கல்வியாண்டில் நடந்த, 10 மற்றும் பிளஸ் 2 வகுப்புகளுக்கான பொதுத்தேர்வில், முதல் மூன்று இடங்களை பிடித்த, மாணவ, மாணவியரை பாராட்டி, பரிசு வழங்கி கவுரவித்தார். அப்போது கோபி அ.தி.மு.க., முன்னாள் யூனியன் சேர்மன் மவுதீஸ்வரன், ஒன்றிய செயலாளர்கள் குறிஞ்சிநாதன், தம்பி சுப்பிரமணியம், வேலுமணி உட்பட பலர் பங்கேற்றனர்.