பச்சை பட்டாணி ஒரு கிலோ ரூ.250
ஈரோடு; ஈரோடு தினசரி காய்கறி மார்க்கெட்டில், பச்சை பட்டாணி கிலோ, 250 ரூபாய்க்கு நேற்று விற்றது. சில தினங்களுக்கு முன் வரை, 100 ரூபாய்க்கு விற்றது. வெயில் தாக்கத்தால் விளைச்சல் பாதித்து வரத்து குறைந்ததே இதற்கு காரணமாக கூறப்படுகிறது.காய்கறி வியாபாரிகள் கூறியதாவது: ஊட்டி, கொடைக்கானல் பகுதிகளில் இருந்தும், வடக்கு கர்நாடக பகுதிகளில் இருந்தும் பச்சை பட்டாணி வருகிறது. பச்சை பட்டாணிக்கு நவம்பர் முதல் பிப்ரவரி வரை சீசன் காலம். தற்போது எல்நினோ வெயிலின் தாக்கத்தால் விளைச்சல் பாதிக்கப்பட்டு வரத்து குறைந்து, விலையும் ஒரு மடங்கு உயர்ந்துள்ளது. இவ்வாறு கூறினர்.