தப்பிய கைதியை 25 நாட்களாகியும் பிடிக்க முடியாமல் போலீஸ் திணறல்

ஈரோடு: பெங்களூரை சேர்ந்தவர் ரூபி கான், 35; ஈரோட்டில் பல்வேறு இடங்களில் மொபைல்போன் டவரில் ஒயர்களை திருடிய வழக்கில், வெள்ளோடு போலீசாரால் கைது செய்யப்பட்டார். கடந்த, 25ம் தேதி இரவு ஈரோடு அரசு மருத்துவமனைக்கு வெள்ளோடு போலீசார், மருத்துவ பரிசோதனைக்கு அழைத்து வந்தனர். பிறகு ஈரோடு விரைவு நீதிமன்றம்-1ல் ஆஜர்படுத்தி, பெருந்துறை கிளை சிறையில் ஒப்படைக்க அழைத்து சென்றனர். செல்லும் வழியில் ஒரு ஓட்டலில் சாப்பிட்டபோது ரூபிகான் தப்பி ஓடி விட்டார். 25 நாட்களாகியும் ரூபிகானை பிடிக்க முடியாமல் போலீசார் திணறி வருகின்றனர்.இதுகுறித்து போலீசார் கூறியதாவது: பெங்களூரில் ரூபிகான் பதுங்கி இருக்க கூடும் என கருதப்படுகிறது. இதனால் பெருந்துறை சப்-டிவிசன் எஸ்.ஐ.,க்கள் இருவர் பெங்களூரில் முகாமிட்டு உள்ளனர். ரூபிகான், அவரது தாய், உறவினர்கள், நண்பர்களின் மொபைல் போன் தொடர்ந்து கண்காணிப்பில் உள்ளது. மொபைல்போனை ரூபிகான் முற்றிலும் தவிர்த்து வருகிறார். இதனால் அவரை பிடிப்பதில் கால தாமதம் ஏற்பட்டுள்ளது. இவ்வாறு கூறினர்.