உருண்டை வெல்லம் மூட்டைக்கு ரூ.90 உயர்வு
ஈரோடு,: ஈரோடு மாவட்டம் சித்தோடு வெல்லம் சொசைட்டியில் நேற்று நடந்த ஏலத்துக்கு, 30 கிலோ எடையில், 3,900 மூட்டை நாட்டு சர்க்கரை வரத்தானது. ஒரு மூட்டை, 1,150 ரூபாய் முதல், 1,230 ரூபாய்; உருண்டை வெல்லம், 2,300 மூட்டை வரத்தாகி ஒரு மூட்டை, 1,300 ரூபாய் முதல், 1,410 ரூபாய்; அச்சு வெல்லம், 340 மூட்டை வரத்தாகி ஒரு மூட்டை, 1,340 ரூபாய் முதல், 1,370 ரூபாய் வரை விற்பனையானது. கடந்த வாரத்தைவிட, நாட்டு சர்க்கரை, உருண்டை வெல்லம் வரத்து அதிகரித்துள்ளது. நாட்டு சர்க்கரை, அச்சு வெல்லம் மூட்டைக்கு, 30 ரூபாய் விலை குறைந்தது. உருண்டை வெல்லம் மூட்டைக்கு, 90 ரூபாய் விலை உயர்ந்தது.