ஞானானந்தகிரி சுவாமிகளின் 51வது ஆராதனை விழா

திருக்கோவிலுார்; திருக்கோவிலுார், தபோவனம் ஞானானந்தகிரி சுவாமிகள் 51ம் ஆண்டு ஆராதனை விழாவில் லட்சார்ச்சனை துவங்கியது.விழாவின் முக்கிய நிகழ்ச்சியாக நேற்று காலை ஸ்ரீ வித்யா கடஸ்தாபனம், நவாவரண பூஜை, அதிர்ஷ்டானத்தில் லட்சார்ச்சனை மற்றும் ரங்கன்ஜியின் உபன்யாசம் துவங்கியது. வரும் 10ம் தேதி வரை தினமும் மாலை 3:00 மணியிலிருந்து 5:00 மணி வரையும், இரவு 7:00 மணியிலிருந்து, 9:00 மணி வரையும் உபன்யாசம் நடக்கிறது.ஆராதனை தினமான வரும் 16ம் தேதி காலை 5:30 மணிக்கு பாத பூஜை, அதிஷ்டானத்தில் மகா அபிஷேகம், அலங்காரம், லட்சார்ச்சனை நிறைவு, மதியம் 1:00 மணிக்கு ஆராதனை, தீர்த்த நாராயண பூஜை நடக்கிறது. விழா ஏற்பாடுகளை அறக்கட்டளை செயலாளர் அமர்நாத், நிர்வாகிகள் மற்றும் உறுப்பினர்கள் செய்து வருகின்றனர்.