விநாயகர் சதுர்த்தி விழா ஹிந்து முன்னணி ஆலோசனை

கள்ளக்குறிச்சி: கள்ளக்குறிச்சி மாவட்ட ஹிந்து முன்னணி சார்பில் விநாயகர் சதுர்த்தி விழா ஆலோசனை கூட்டம் நடந்தது. விநாயகர் சதுர்த்தி விழா வரும் ஆகஸ்ட் 27 ம் தேதி கொண்டாடப்படுகிறது. விநாயகர் சதுர்த்தி விழா குறித்து, கள்ளக்குறிச்சி கண்ணன் மகாலில் நடந்த கூட்டத்திற்கு, மாவட்ட பொது செயலாளர் சக்திவேல் தலைமை தாங்கினார். நிர்வாகிகள் அருண், பாலகிருஷ்ணன், ராமராஜன், என்.மணிகண்டன், ஜெயக்குமார், இ.மணிகண்டன் முன்னிலை வகித்தனர். ஆர்.எஸ்.எஸ்., மாவட்ட தலைவர் மகாதேவன் வாழ்த்துரை வழங்கினார். ஹிந்து முன்னணி மாநில அமைப்பாளர் ராஜேஷ், மாநில செயலாளர் மனோகர் சிறப்பு அழைப்பாளர்களாக பங்கேற்றனர். நம்ம சாமி, நம்ம கோவில், நாமே பாதுகாப்போம் என்ற தலைப்பில் இந்தாண்டு நடக்கவுள்ள விநாயகர் சதுர்த்தி விழாவை சிறப்பாக கொண்டாட வேண்டும் என அறிவுறுத்தினர். ஒன்றிய, நகர மற்றும் பிரிவு வாரியான ஹிந்து முன்னணி நிர்வாகிகள் தேர்வு செய்யப்பட்டனர். மாவட்ட ஒருங்கிணைப்பாளர் அசோக்குமார் நன்றி கூறினார்.