பாடலீஸ்வரர் கோவிலில் கும்பாபிஷேகம் விமரிசை

காஞ்சிபுரம்: காஞ்சிபுரம் தேனம்பாக்கம் பாலாற்றங்கரையில் காமாட்சி அம்பாள் சமேத பாடலீஸ்வரர் கோவில் உள்ளது. இக்கோவிலில் பரிவார சன்னிதி அமைத்து, பல்வேறு திருப்பணிகள் சமீபத்தில் செய்து முடிக்கப்பட்டன.கும்பாபிஷேகத்தையொட்டி, கடந்த 14ம் தேதி, காலை 8:30 மணிக்கு விக்னேஸ்வர பூஜையுடன் யாகசாலை பூஜை துவங்கியது.இந்நிலையில், நேற்று, காலை 9:45 மணிக்கு, கோவில் கோபுர விமான கலசத்திற்கு புனிதநீர் ஊற்றி கும்பாபிஷேகம் நடத்தப்பட்டது.தொடர்ந்து விநாயகர்,முருகர், நால்வர், பைரவர், மஹா பெரியவர் மற்றும் காமாட்சி அம்பாள் சமேத பாடலீஸ்வரருக்கு கும்பாபிஷேகம் நடத்தி வைக்கப்பட்டது. தொடர்ந்து மஹா அபிஷேகமும், மஹா தீபாராதனையும், பக்தர்களுக்கு பிரசாத வினியோகமும் செய்யப்பட்டது.