ரத்த தான முகாம்

காஞ்சிபுரம்: காஞ்சிபுரம் அரசு புற்றுநோய் மருத்துவ மனையில் நடந்த ரத்ததான முகாமில், 23 யூனிட் ரத்தம் தானமாக பெறப்பட்டது. இந்திய மருத்துவ சங்கம் காஞ்சிபுரம் கிளை, இறைத்துளிகள் இயக்கம், எச்.டி.எப்.சி., வங்கி மற்றும் மருந்து விற்பனை பிரதிநிதிகள் சங்கம் சார்பில், ரத்ததான முகாம் காஞ்சிபுரம் அரசு அறிஞர் அண்ணா புற்றுநோய் மருத்துவமனையில் நேற்றுமுன்தினம் நடந்தது. இந்திய மருத்துவ சங்க தலைவர் ரவி முகாமை துவக்கி வைத்தார். நிலைய மருத்துவ அலுவலர் சிவகாமி, சங்க செயலர் மருத்துவர் முத்துக்குமரன் ஆகியோர் முன்னிலை வகித்தனர். இதில், ரத்த கொடையாளர்களிடமிருந்து, 23 யூனிட் ரத்தம் தானமாக பெறப்பட்டது.