ஸ்கூட்டருடன் நிலைதடுமாறி சாலையில் விழுந்தவர் பலி

குன்றத்துார்:செங்கல்பட்டு மாவட்டம், பனங்காட்டுப்பாக்கம் பகுதியை சேர்ந்தவர் ராஜா, 54. இவர், பூந்தமல்லியில் உள்ள தனியார் நிறுவனத்தில் பணியாற்றுகிறார்.நேற்று முன்தினம் இரவு, பூந்தமல்லியில் இருந்து அரிசி மூட்டை மற்றும் வீட்டுக்கு தேவையான பொருட்களை வாங்கி கொண்டு டி.வி.எஸ்., ஸ்கூட்டரில் வீட்டிற்கு புறப்பட்டார்.மீஞ்சூர் - வண்டலுார் வெளிவட்ட சாலையில், குன்றத்துார் அருகே வரதராஜபுரம் சுங்கச்சாவடி அருகே சென்றபோது, நிலைதடுமாறி கீழே விழுந்தார்.இதில், தலையில் அடிபட்டு சம்பவ இடத்திலேயே ராஜா உயிரிழந்தார். விபத்து குறித்து, தாம்பரம் போக்குவரத்து புலனாய்வு பிரிவு போலீசார் விசாரித்து வருகின்றனர்.