திண்டுக்கல் சாலையில் மின் விளக்குகள் தேவை
கரூர், கரூர்-திண்டுக்கல் விரிவாக்க சாலையில், மின் விளக்குகள் அமைக்க வேண்டும் என, வாகன ஓட்டிகள் எதிர்பார்க்கின்றனர். கரூர்-திண்டுக்கல் சாலையில், வெள்ளியணை, மணவாடி உள்ளிட்ட பல்வேறு கிராமங்கள் வழியாக திருச்சி, திண்டுக்கல் மாவட்டங்களுக்கு பஸ், லாரி உள்ளிட்ட வாகனங்கள் செல்கின்றன. இதனால், கரூர்-திண்டுக்கல் சாலையில், வெங்ககல்பட்டியில் இருந்து, வெள்ளியணை வரை சாலை விரிவாக்க பணிகள் சமீபத்தில் தொடங்கியது. தற்போது சாலை விரிவாக்க பணிகள் நிறைவு பெற்று, சாலையின் நடுவே தடுப்புகள் வைக்கப்பட்டுள்ளது. ஆனால், மின் கம்பங்கள் அமைக்கப்படவில்லை. இதனால் இருளில் மூழ்கியுள்ளது.எனவே, புதிய கரூர்-திண்டுக்கல் விரிவாக்க சாலையில், மின் கம்பங்கள் அமைத்து, விளக்குகளை பொருத்த நெடுஞ்சாலை துறை அதிகாரிகள் நடவடிக்கை எடுக்க வேண்டும்.