பாசன கிளை வாய்க்காலில் ஆகாய தாமரை ஆக்கிரமிப்பு

கரூர்: கரூர் அருகே, பாசன கிளை வாய்க்காலில் முளைத்துள்ள ஆகாய தாமரை செடிகளை அகற்ற வேண்டும் என, விவசாயிகள் எதிர்பார்க்கின்றனர்.திருப்பூர் மாவட்டம், உடுமலைபேட்டை அமராவதி அணையில் இருந்து, அமராவதி ஆற்றில் தண்ணீர் திறக்கப்பட்-டுள்ளது. தற்போது, அரவக்குறிச்சி, க.பரமத்தி, தான்தோன்றி-மலை பஞ்., யூனியன் பகுதிகளில், அமராவதி ஆற்றுப்பகுதியில் நெல் சாகுபடிக்காக பணிகள் நடப்பதால், அமராவதி அணையில் இருந்து, குறைந்தளவே தண்ணீர் திறக்கப்பட்டுள்ளது. ஆனால், கிளை வாய்க்காலில் தண்ணீர் செல்கிறது. இந்நிலையில், கரூர் அருகே, சின்ன குளத்துப்பாளையம் வழியாக செல்லும், அமரா-வதி ஆற்றின் கிளை வாய்க்காலில், பிளாஸ்டிக் பொருட்கள், குப்-பைகள் அதிகளவில் தேங்கியுள்ளன. மேலும், ஆகாய தாமரை செடிகளும் வாய்க்காலில் முளைத்து, படர்ந்துள்ளது. இதனால், நீரோட்டம் தடைப்பட்டுள்ளது. எனவே, அமராவதி ஆற்றின் கிளை வாய்க்காலில் படர்ந்துள்ள ஆகாய தாமரை செடிகளை அகற்ற, நடவடிக்கை எடுக்க வேண்டும் என, விவசாயிகள் எதிர்பார்த்துள்ளனர்.