பூட்டிய வீட்டில் பணம் திருட்டு

குளித்தலை, குளித்தலை அடுத்த, மணவாசி எஸ்.எஸ். கார்டன் பகுதியை சேர்ந்தவர் சகுந்தலாதேவி, 55, பேக் வியாபாரம் செய்து வருகிறார். கடந்த 8ம் தேதி இரவு 7:00 மணியளவில் வீட்டை பூட்டி விட்டு வேலைக்கு சென்றவர், மறுநாள் காலை 10:00 மணிக்கு வந்து பார்த்தபோது வீட்டின் பூட்டு உடைக்கப்பட்டிருந்தது. உள்ளே சென்று பார்த்தபோது, பீரோவில் இருந்த, 50 ஆயிரம் ரூபாய், தலா இரண்டு கிராம் மோதிரம் 2, ஜிமிக்கி 2 கிராம் திருடப்பட்டுள்ளது.அப்பகுதியில் வாசுதேவன், பார்த்தசாரதி ஆகிய இருவர் வீட்டிலும் மர்ம நபர்கள் பூட்டை உடைத்துள்ளனர். ஆனால் வீட்டில் எந்த பொருட்களும் திருட்டு போகவில்லை. இதுகுறித்து சகுந்தலா தேவி கொடுத்த புகார்படி, மாயனுார் போலீசார் வழக்கு பதிவு செய்து விசாரணை நடத்தி வருகின்றனர்.