உள்ளூர் செய்திகள்

/ உள்ளூர் செய்திகள் / கிருஷ்ணகிரி / அரசு பள்ளி மாணவர்களுக்கு விலையில்லா சைக்கிள்

அரசு பள்ளி மாணவர்களுக்கு விலையில்லா சைக்கிள்

கிருஷ்ணகிரி, கிருஷ்ணகிரி, பர்கூர் ஒன்றியங்களில், ரூ.44.50 லட்சம் மதிப்பில் சாலை பணிகளுக்கான பூமி பூஜை, பள்ளி மாணவர்களுக்கு விலையில்லா சைக்கிள் வழங்கப்பட்டது.கிருஷ்ணகிரி அடுத்த காட்டிநாயனப்பள்ளியில் இரு இடங்களில் மொத்தம், 19 லட்சம் ரூபாய் மதிப்பில் சிமென்ட் சாலை அமைக்கும் பணிகள் மற்றும் ஒரப்பம், எலத்தகிரி உள்ளிட்ட பகுதிகளில், 25.5 லட்சம் ரூபாய் மதிப்பில் சாலை பணிகள் உட்பட, 44.5 லட்சம் ரூபாய் மதிப்பிலான பணிகளை, பர்கூர் தி.மு.க., - எம்.எல்.ஏ., மதியழகன் துவக்கி வைத்தார். தொடர்ந்து ஒரப்பம் அரசு மேல்நிலைப்பள்ளியில், விலையில்லா சைக்கிள் வழங்கும் விழா நடந்தது. பள்ளி தலைமை ஆசிரியர் ரமேஷ்குமார் தலைமை வகித்தார். ஒரப்பம், மல்லப்பாடி, சிகரலப்பள்ளி, கப்பல்வாடி அரசு மேல்நிலைப்பள்ளிகளில் பிளஸ் 1 பயிலும், 116 மாணவ, மாணவியருக்கு சைக்கிள்களை மதியழகன் எம்.எல்.ஏ., வழங்கினார். உதவி தலைமை ஆசிரியர் சக்திவேல் மற்றும் பலர் கலந்து கொண்டனர்.


தினமலர் சேனல்களுக்கு SUBSCRIBE செய்யுங்கள் !

மேலும் செய்திகள்





அதிகம் விமர்ச்சிக்கப்பட்டவை