நின்ற டிராக்டரில் பைக் மோதல் தனியார் ஊழியர் உயிரிழப்பு
தேன்கனிக்கோட்டை, கிருஷ்ணகிரி மாவட்டம், தேன்கனிக்கோட்டை அடுத்த தளி கொத்தனுார் அருகே, சிலிபிலிமங்கலம் கிராமத்தை சேர்ந்தவர் மஞ்சுநாத், 39. தனியார் நிறுவன ஊழியர். நேற்று முன்தினம் இரவு, 8:30 மணிக்கு, தளியில் இருந்து தேன்கனிக்கோட்டை நோக்கி பஜாஜ் பல்சர் பைக்கில் சென்றார். ஜான்பிரிட்டோ பெண்கள் விடுதி அருகே சென்றபோது, சாலையில் நின்றிருந்த டிராக்டர் பின்னால் பைக் மோதியது. இதில் படுகாயமடைந்த மஞ்சுநாத் உயிரிழந்தார். தேன்கனிக்கோட்டை போலீசார் விசாரிக்கின்றனர்.