14ல் பொது வினியோக திட்ட குறைதீர் கூட்டம்
கிருஷ்ணகிரி, டிச. 12-கிருஷ்ணகிரி மாவட்ட கலெக்டர் சரயு வெளியிட்டுள்ள அறிக்கை:கிருஷ்ணகிரி மாவட்டத்தில் பொது வினியோக திட்டத்தில் குறைகளை களைய பொதுமக்கள் சிறப்பு குறைதீர் கூட்டம் சம்மந்தப்பட்ட வட்ட வழங்கல் அலுவலர்களால் நடத்தப்படும். அதன்படி, வரும், 14ல் கிருஷ்ணகிரி தாலுகாவில் மாரிசெட்டிஅள்ளி, பர்கூர் - கொத்தலகுட்டை, போச்சம்பள்ளி - தாமோதரஅள்ளி, ஊத்தங்கரை - சாமல்பட்டி, ஓசூர் - தொரப்பள்ளி, சூளகிரி - சானமாவு, தேன்கனிக்கோட்டை - பெட்டமுகிலாளம், அஞ்செட்டி - உரிகம் ஆகிய கிராமங்களில் நடக்கிறது. இதில், பொதுமக்கள் கலந்து கொண்டு குறைகளை தெரிவிக்கலாம். இவ்வாறு, அவர் தெரிவித்துள்ளார்.