குன்றத்து கோயிலில் மே 13 வசந்த உற்ஸவம் துவக்கம்

திருப்பரங்குன்றம்: திருப்பரங்குன்றம் சுப்பிரமணிய சுவாமி கோயில் வசந்த உற்ஸவம் மே 13ல் சுவாமிகளுக்கு காப்பு கட்டுடன் துவங்குகிறது.அன்று உற்ஸவர் சுவாமி, தெய்வானைக்கு சிறப்பு அபிஷேகம், பூஜை முடித்து காப்பு கட்டப்படும். இரவு 7:00 மணிக்கு வசந்த மண்டபம் மையப்பகுதியில் தண்ணீர் நிரப்பப்பட்டு ஊஞ்சலில் சுவாமி, தெய்வானை எழுந்தருளுவர். அங்கு 30 நிமிடங்கள் வசந்த உற்ஸவம் நடைபெறும். இந்நிகழ்ச்சி மே 21 வரை நடக்கும்.விசாக பால்குட திருவிழாவை முன்னிட்டு மே 22 அதிகாலை 5:00 மணிக்கு சண்முகர், வள்ளி, தெய்வானைக்கு சிறப்பு பாலாபிஷேகம் முடிந்து காலை 7:00 மணிக்கு விசாக கொறடு மண்டபத்தில் எழுந்தருளுவர். பக்தர்கள் எடுத்து வரும் பால்குடங்களில் இருந்து சுவாமிக்கு மதியம் 2:00 மணி வரை பால் அபிஷேகம் செய்யப்படும்.மே 23 காலை உற்ஸவர் சுவாமி, தெய்வானை தங்கக்குதிரை வாகனத்தில் தியாகராஜர் பொறியியல் கல்லுாரி வளாகத்தில் உள்ள மொட்டையரசில் எழுந்தருளுவர். அங்கு மொட்டையரசு திருவிழா முடிந்து, இரவு பூப்பல்லக்கில் கோயிலுக்கு திரும்புவர்.