அழகர்கோவிலில் ஆடிப் பெருந்திருவிழா ஆக. 9ல் தேரோட்டம்

அழகர்கோவில்: அழகர்கோவில் கள்ளழகர் கோயிலில் ஆடி பிரம்மோற்ஸவ விழா ஜூலை 31 முதல் ஆகஸ்ட் 11 வரை நடக்கிறது.ஆக. 1 காலை 9:15 மணிக்கு மேல் 10:00 மணிக்குள் கொடியேற்றத்துடன் விழா துவங்குகிறது. ஆக. 5 காலை 8:40 மணிக்கு மேல் 9:00 மணிக்குள் சிவகங்கை சமஸ்தானம் மறவர் மண்டபத்திற்கு கள்ளழகர் தங்கப் பல்லக்கில் எழுந்தருள்கிறார். ஆக. 8ல் தங்கக் குதிரை வாகனத்தில் எழுந்தருள்கிறார்.ஆக. 9ல் காலை 8:40 மணிக்கு மேல் 8:55 மணிக்குள் தேரோட்டம் நடக்கிறது. கிராமங்களில் இருந்து 2 நாட்கள் முன்பே பக்தர்கள் பாரம்பரிய முறைப்படி மாட்டுவண்டிகளில் வந்து கோயில் வளாகத்தில் தங்கி நேர்த்திக்கடன் செலுத்துவர்.ஆக. 10ல் உற்ஸவ சாந்தியுடன் விழா நிறைவடைகிறது.

கதவுகள் திறப்பு

அழகர்கோவில் பதினெட்டாம்படி கருப்பணசுவாமி சன்னதி கதவுகள் ஒவ்வொரு ஆண்டும் ஆடி மாதபவுர்ணமி தினத்தன்றுமட்டும் மாலை திறக்கப்பட்டு, 18 படிகளுக்கும் படிப்பூஜை செய்து தீபாராதனை காட்டப்படும். பின் கதவுகளுக்கு சந்தனம் சாத்தும் நிகழ்வு நடைபெறும். இந்தாண்டு ஆக. 9 மாலை அந்நிகழ்வு நடக்கிறது. முன்னதாக ஜூலை 24ல் ஆடி அமாவாசையை முன்னிட்டு இரவு 7:15 மணிக்கு மேல் 8:00 மணிக்குள் கள்ளழகர் கருட வாகனத்தில் எழுந்தருள்கிறார்.