விளாச்சேரியில் தயாராகும் கிறிஸ்துமஸ் குடில்கள்
திருநகர் : கிறிஸ்துமஸ் விழாவுக்காக மதுரை விளாச்சேரியில் குடில்கள் தயாரிக்கப்படுகின்றன. தமிழகம் மட்டுமின்றி வெளிமாநிலங்களுக்கும் ஏற்றுமதி செய்யப்படுகின்றன.சிவக்குமார்: களிமண்ணால் மூன்று இஞ்ச் முதல் இரண்டு அடி வரை குடில்களும், கிறிஸ்து பொம்மைகளும் தயாரிக்கும் பணி நடக்கிறது. சமீபத்தில் தொடர் மழை பெய்ததால் பொம்மைகளை காய வைக்க முடியவில்லை. உலர்ந்த பொம்மைகளை மட்டும் வர்ணம் தீட்டும் பணி நடக்கிறது. அனைத்து மூலப்பொருட்களின் விலைகளும் அதிகரித்து விட்டது. ஆனால் பொம்மை விலையை மட்டும் உயர்த்த முடியவில்லை. பழைய விலைக்கே கேட்கின்றனர். போட்டி அதிகமாக உள்ளதால் வேறு வழியின்றி மிகக்குறைந்த லாபத்திற்கு விற்று வருகிறோம் என்றார்.