திருப்பரங்குன்றம் மலையில் திருக்கார்த்திகை தீபம்; முதல்வருக்கு வி.ஹெச்.பி., வலியுறுத்தல்

மதுரை: 'மதச்சார்பற்ற முதல்வர்' என கூறிக்கொள்ளும் முதல்வர் ஸ்டாலின் ஹிந்துக்களின் விருப்பப்படி மதுரை திருப்பரங் குன்றம் மலை உச்சியில் உள்ள பாரம்பரிய தீபத்துாணில் திருக்கார்த்திகையன்று தீபம் ஏற்ற உத்தர விடுவாரா என விஸ்வ ஹிந்து பரிஷத் மாநில இணை பொதுச் செய லாளர் சந்திரசேகரன் கேள்வி எழுப்பினார். மதுரையில் அவர் கூறியதாவது: நான் மதச்சார்பற்றவன் என அடிக்கடி முதல்வர் ஸ்டாலின் கூறி வருகிறார். ஆனால் கிறிஸ்துமஸ், பக்ரீத், ரம்ஜான் பண்டிகைகளுக்கு வாழ்த்து சொல்லும் அவர், ஹிந்துக்கள் பெரும்பான்மையாக கொண்டாடும் தீபாவளிக்கும், பிற பண்டிகைகளுக்கும் வாழ்த்து சொல்வது கிடையாது. திருப்பரங்குன்றம் மலை மீது உள்ள பாரம்பரிய மிக்க தீபத்துாணில் திருக்கார்த்திகையன்று தீபம் ஏற்றப்பட்டு வந்தது. ஆனால் சில தவறான பிரசாரங்களால் அனுமதி மறுக்கப்படுகிறது. முதல்வர் நினைத்தால் பாரம் பரியமிக்க துாணில் தீபம் ஏற்ற முடியும். இவ்வாறு கூறினார்.