ரூ.8.55 லட்சத்திற்கு கொப்பரை விற்பனை

மல்லசமுத்திரம் :திருச்செங்கோடு வேளாண்மை உற்பத்தியாளர்கள் கூட்டுறவு விற்பனை சங்கத்தின், மல்லசமுத்திரம் கிளையில் வெள்ளி தோறும் கொப்பரை தேங்காய் ஏலம் நடக்கிறது.அதன்படி, நேற்று நடந்த ஏலத்தில், சூரியகவுண்டம்பாளையம், மங்களம், மாமரப்பட்டி, பீமரப்பட்டி, பள்ளக்குழி அக்ரஹாரம், கரட்டுபாளையம், ராமாபுரம், பருத்திப்பள்ளி, கருங்கல்பட்டி உள்ளிட்ட பகுதிகளை சேர்ந்த விவசாயிகள், 5,460 கிலோ கொப்பரை தேங்காயை விற்பனைக்கு கொண்டு வந்திருந்தனர்.இதில், முதல் தரம் கிலோ, 232.65 ரூபாய் முதல், 258.65 ரூபாய், இரண்டாம் தரம், 200.10 ரூபாய் முதல், 210.65 ரூபாய் என, 8.55 லட்சம் ரூபாய்க்கு விற்பனையானது. அடுத்த ஏலம் வரும், 18ல் நடக்கிறது.