ரூ.3.38 லட்சத்திற்கு கொப்பரை வர்த்தகம்

மல்லசமுத்திரம், திருச்செங்கோடு வேளாண்மை உற்பத்தியாளர்கள் கூட்டுறவு விற்பனை சங்கத்தின், மல்லசமுத்திரம் கிளையில் நேற்று கொப்பரை தேங்காய் ஏலம் நடந்தது. மங்களம், பள்ளக்குழி அக்ரஹாரம், சின்னகாளிப்பட்டி, செண்பகமாதேவி, மேல்முகம், அரசமரம், ராமாபுரம், பருத்திப்பள்ளி, சோமணம்பட்டி, கருங்கல்பட்டி பகுதிகளை சேர்ந்த விவசாயிகள், 60 கிலோ எடை கொண்ட, 44 மூட்டை கொப்பரை தேங்காயை விவசாயிகள் விற்பனைக்கு கொண்டு வந்திருந்தனர். இதில், முதல் தரம் கிலோ, 231 ரூபாய் முதல், 181 ரூபாய், இரண்டாம் தரம், 160.60 ரூபாய் முதல், 70.70 ரூபாய் என, மொத்தம், 3.38 லட்சம் ரூபாய்க்கு ஏலம் நடந்தது. அடுத்த ஏலம் வரும், 26ல் நடக்கிறது.