பவித்திரம் ஆட்டு சந்தையில் ரூ.10 லட்சத்திற்கு வர்த்தகம்
எருமப்பட்டி :எருமப்பட்டி யூனியன், பவித்திரத்தில் வாரந்தோறும் திங்கட்கிழமை ஆட்டுச்சந்தை நடக்கிறது. பல ஆண்டுகளாக நடக்கும் இந்த சந்தைக்கு, முட்டாஞ்செட்டி, எருமப்பட்டி, நவலடிப்பட்டி உள்ளிட்ட பல்வேறு கிராமங்களில் இருந்து விவசாயிகள், தாங்கள் வளர்க்கும் ஆடுகளை விற்பனைக்கு கொண்டு வருகின்றனர். சில மாதங்களாக இந்த சந்தைக்கு வரும் ஆடுகள் வரத்து வெகுவாக குறைந்ததால், வியாபாரிகள் வரத்தும் குறைந்தது. நேற்று நடந்த சந்தையில், 10 லட்சம் ரூபாய்க்கு ஆடுகள் விற்பனை செய்யப்பட்டதாக வியாபாரிகள் தெரிவித்தனர்.