போக்குவரத்து கழக ஊழியர்கள் மக்கள் சந்திப்பு இயக்கம்

ஊட்டி;ஊட்டியில் சி.ஐ.டி.யு., அரசு போக்குவரத்து கழக ஊழியர்கள் மாநிலம் தழுவிய மக்கள் சந்திப்பு இயக்கம் நடத்தினர்.மாநிலத்தில், சி.ஐ.டி.யு., அரசு போக்குவரத்து கழக ஊழியர்கள் மாநிலம் தழுவிய மக்கள் சந்திப்பு இயக்கம் நடத்தி வருகின்றனர். இதன் ஒரு பகுதியாக, ஊட்டி அரசு போக்குவரத்து கழக அலுவலகத்தில் மக்கள் சந்திப்பு இயக்கம், சங்க துணை பொதுச் செயலாளர் கணேசன் தலைமையில் நடந்தது. அதில், மக்கள் சந்திப்பு இயக்கம் குறித்து பஸ் பயணிகளிடம் நோட்டீஸ் வினியோகித்தனர்.சி.ஐ.டி.யு., மாவட்ட செயலாளர் வினோத் முன்னிலை வகித்தார். மாவட்ட தலைவர் சங்கரலிங்கம், மாவட்ட பொருளாளர் நவீன்சந்திரன் பேசினார். போக்குவரத்து கழக ஊழியர்கள் சாமிநாதன், இஸ்மாயில் ராதாகிருஷ்ணன், குமார் சந்திரன் உள்ளிட்ட போக்குவரத்து கழக ஊழியர்கள் பங்கேற்றனர்.