ராமேஸ்வரம் கோவில் வீதியில் பந்தல், நார் விரிப்பு * தினமலர் செய்தி எதிரொலி

ராமேஸ்வரம்:ராமேஸ்வரம் கோவில் நிர்வாகம் ரதவீதியில் பந்தல் அமைக்கப்பட்டுள்ளது. இதனால், பக்தர்கள் சிரமம் இன்றி நடந்து சென்றனர். கோடை வெயில் சுட்டெரிப்பதால் ராமேஸ்வரம் ராமநாதசுவாமி கோவில் தரிசனத்திற்கு வரும் பக்தர்கள் நான்கு ரதவீதியில் நிழல்தரும் பந்தல் இன்றி, வெப்பத்தை தாக்குப்பிடிக்க முடியாமல் திறந்தவெளியில் ஓடோடி செல்கின்றனர். இதன் காரணமாக நேற்று கோவில் நிர்வாகம் கிழக்கு ரதவீதியில் உள்ள நடைபாதையில் பந்தல் அமைத்து, தெற்கு ரதவீதி நடைபாதையில் நார் விரிப்பு விரித்துள்ளனர். இதனால், பக்தர்கள் சிரமம் இன்றி ரதவீதியில் சென்றனர்.இதுபோல மாநில நெடுஞ்சாலைத்துறைக்கு சொந்தமான கோவில் நான்கு வீதி தார் சாலையில் நிழல் தரும் பந்தல் அமைக்க கலெக்டர் விஷ்ணுசந்திரன் உத்தரவிட வேண்டும்.