மாரியூரில் அம்மனுக்கு நாளை வளைகாப்பு

சாயல்குடி:சாயல்குடி அருகே மாரியூரில் பூவேந்தியநாதர் பவள நிறவல்லியம்மன் கோயில் உள்ளது. வருண பகவானால் பூஜிக்கப்பட்ட கடற்கரை அருகே அமைந்துள்ள கோயில் பழமையும் புரதான சிறப்பும் பெற்ற சிவாலயம். நாளை (ஜூலை 28) காலை 6:00 மணிக்கு ஏராளமான பசுக்களை முன்னிறுத்தி கோமாதா பூஜையும், காலை 8:00 மணிக்கு மூலவர் மற்றும் உற்ஸவமூர்த்தியான பவளநிற வல்லியம்மனுக்கு, அபிஷேக அலங்கார தீபாராதனையும், காலை 9:00 மணிக்கு அம்மனுக்கு வளைகாப்பு உற்ஸவமும் நடக்கிறது. அதனைத் தொடர்ந்து ஏராளமான பெண்கள் பங்கேற்கும் சுமங்கலி பூஜை நடக்கிறது. பக்தர்களுக்கு அன்னதானம் வழங்கப்படுகிறது. ஏற்பாடுகளை ராமநாதபுரம் சமஸ்தான நிர்வாகத்தினர் மற்றும் பவளம் மகளிர் குழு, மகாசபை பிரதோஷ அன்னதான கமிட்டியினர் செய்து வருகின்றனர்.