பிப்.25ல் எரிவாயு  குறைதீர் முகாம்

ராமநாதபுரம்: ராமநாதபுரம், ராமேஸ்வரம், கீழக்கரை, ஆர்.எஸ்.மங்கலம், திருவாடானை, பரமக்குடி, கமுதி, கடலாடி, மற்றும் முதுகுளத்துார் தாலுகா பகுதிகளில் சமையல் எரிவாயு விநியோகம் தொடர்பாக பொதுமக்கள் குறைகள் மற்றும் கோரிக்கைகளை நேரில் தெரிவிக்கலாம்.இதற்காக எண்ணெய் நிறுவனம் மற்றும் எரிவாயு முகவர்களுடன் மாதாந்திர குறைதீர்க்கும் கூட்டம் பிப்.,25 காலை 11:00 மணிக்கு ராமநாதபுரம் கலெக்டர் அலுவலக கூட்ட அரங்கில் நடக்கிறது. மாவட்ட வருவாய் அலுவலர் கோவிந்தராஜலு தலைமையில் அலுவலர்கள் பங்கேற்கின்றனர்.கூட்டத்தில் எரிவாயு உபயோகிப்பவர்கள், தன்னார்வ நுகர்வோர் அமைப்பினர் மற்றும் பொதுமக்கள் கலந்து கொண்டு தங்களது குறைகளை தெரிவிக்கலாம்.