உத்தரகோசமங்கை பள்ளி மாணவர்கள் மாநில ஹாக்கி போட்டிக்கு தகுதி
உத்தரகோசமங்கை: நடப்பு கல்வி ஆண்டிற்கான பள்ளிகளுக்கிடையிலான மாவட்ட அளவிலான விளையாட்டுப் போட்டிகள் சத்திரக்குடி அரசு மேல்நிலைப் பள்ளியில் நடக்கிறது. இதில் ஹாக்கி போட்டியில் 19 வயதிற்குட்பட்டோருக்கான மாணவிகள் பிரிவில் உத்தரகோசமங்கை அரசு மேல்நிலைப்பள்ளி வீராங்கனைகள் வெற்றி பெற்றனர். டிச.25 முதல் திருச்சியில் நடக்கும் மாநில அளவிலான பாரதியார் தின ஹாக்கி விளையாட்டு போட்டியில் கலந்து கொள்கின்றனர்.வெற்றி பெற்ற மாணவிகளை தலைமை ஆசிரியர் ராணி, உதவி தலைமை ஆசிரியர் நிவேதிதா, ஆசிரியர்கள் கிருஷ்ணவேணி, தீபமகேஷ் மற்றும் மாணவிகளுக்கு பயிற்சி அளித்த உடற்கல்வி ஆசிரியர் சுரேஷ், மகாலிங்கம் உள்ளிட்டோர் பாராட்டி பரிசுகள் வழங்கினர்.