மழையால் வாரச்சந்தை வியாபாரிகள் பாதிப்பு

ஆர்.எஸ்.மங்கலம்: தொடர் மழை காரணமாக, ஆர்.எஸ். மங்கலத்தில் நடைபெற்ற வார சந்தைக்கு வந்திருந்த வியாபாரிகளும் பொதுமக்களும் பாதிக்கபட்டனர். ஆர்.எஸ். மங்கலம் மற்றும் சுற்றுப்புற பகுதிகளில் நேற்று அதிகாலை முதல் விட்டு விட்டு கனமழை பெய்து வந்தது. நேற்று வாரச்சந்தை என்பதால், வெளி மாவட்டங்களில் இருந்து வியாபாரிகள் காய்கறிகள், பழங்கள், மளிகைப் பொருட்கள். விற்பனைக்கு கொண்டு வந்திருந்தனர். சுற்றுப்புற பகுதி கிராம மக்களும் வாரச் சந்தைக்கு பொருட்கள் வாங்க வந்திருந்த நிலையில் தொடர் மழையின் காரணமாக, கடும் சிரமத்தை சந்தித்தனர். மேலும் பெரும்பாலான பகுதிகளில் பொதுமக்கள் மழையால் வீட்டை விட்டு வெளியில் செல்லா மல் வீட்டில் முடங்கினர்.