ஆம்புலன்ஸ் 108, 102ல்  டிரைவர்கள், உதவியாளர் ஒருங்கிணைப்பாளர் பணிக்கு விண்ணப்பிக்கலாம்

ராமநாதபுரம்: ராமநாதபுரம் மாவட்டத்தில் ஆம்புலன்ஸ் 108, மற்றும் 102 , அமரர் ஊர்திகளில் டிரைவர் மற்றும் மாவட்ட ஒருங்கிணைப்பாளர்கள், மருத்துவ உதவியாளர் ஆகிய பணிகளுக்கு விண்ணப்பங்கள் வரவேற்கப்படுகிறது. இதற்கான ஆட்கள் தேர்வு முகாம் அரசு ஆரம்ப சுகாதார நிலைய வளாகங்களில் ஆர்.எஸ்.மங்கலத்தில் செப்., 6ல், பார்த்திபனுாரில் செப்.,7ல் நடக்கிறது. டிரைவர் பணிக்கு பத்தாம் வகுப்பு தேர்ச்சி பெற்று 24 முதல் 35 வயதிற்குள் இருக்க வேண்டும். இலகு ரக வாகன லைசன்ஸ் எடுத்து மூன்று ஆண்டுகள் மற்றும் பேட்ஜ் வாகன உரிமம் எடுத்து குறைந்தபட்சம் ஓராண்டு நிறைவு பெற்றிருக்க வேண்டும். தேர்வு பெற்றவர்களுக்கு மாத ஊதியமாக ரூ.21,120 வழங்கப் படும். எழுத்து தேர்வு, தொழில்நுட்ப தேர்வு, மனிதவளத்துறை நேர்காணல், கண் பார்வை திறன் மற்றும் மருத்துவம் சம்பந்தமான தேர்வு, சாலை விதிகளுக்கான தேர்வு அனைத்திலும் தேர்ச்சி பெற்றவர்களுக்கு 10 நாட்களுக்கு முறையான வகுப்பறை பயிற்சி வழங்கப்படும். பயிற்சி காலத்தில் தங்கும் வசதி செய்து தரப்படும் மருத்துவ உதவியாளர் பணிக்கு பி.எஸ்.சி., நர்சிங், ஜி.என்.எம்., ஏ.என்.எம்., டி.எம்.எல்.டி., ஆகியவை பிளஸ் 2 முடித்து படித்திருக்க வேண்டும். அல்லது வாழ்க்கை அறிவியல், பி.எஸ்.சி., விலங்கியல், தாவரவியல், பயோ கெமிஸ்ட்ரி, மைக்ரோ பயோலாஜி, பயோ டெக்னாலஜி இதில் ஏதோ ஒரு பட்டப் படிப்பு முடித்திருக்க வேண்டும். மாதம் ஊதியம் ரூ.21,320 வழங்கப்படும். நேர்முகத் தேர்வு அன்று 19 முதல் 30 வயதிற்குள் இருக்க வேண்டும். தேர்வு முறையானது எழுத்துத் தேர்வு, மருத்துவ நேர்முகம், உடற்கூறியல், முதலுதவி அடிப்படை செவிலியர் பணி தொடர்பானவை, மனிதவளத்துறையின் நேர்முகத் தேர்வு. இத்தேர்வுகளில் தேர்வு செய்யப்பட்டவர்களுக்கு 50 நாட்களுக்கு முழுமையான வகுப்பறை பயிற்சி மருத்துவமனை மற்றும் ஆம்புலன்ஸ் சார்ந்த நடைமுறை பயிற்சி அளிக்கப்படும். பயிற்சி காலத்தில் தங்கும் வசதி செய்து தரப்படும். மாவட்ட ஒருங்கிணைப்பாளர் பணிக்கு பி.இ., மெக்கானிக்கல் இன்ஜினியர் அல்லது எம்.பி.ஏ., கல்வித்தகுதியுடன் 35 வயதிற்குள் இரு ஆண்டுகள் முன் அனுபவம் இருக்க வேண்டும். தகுதிக்கேற்ற சம்பளம் வழங்கப்படும். மேற்கூறிய பதவி களுக்கு தகுதிகள் இருப்பின் அனைத்து ஒரிஜினல் மற்றும் நகல் சான்றிதழ்கள் கொண்டு வருமாறு அறிவுறுத்தப்படு கிறார்கள். மேலும் விபரங்களுக்கு 89259 41097 என்ற அலைபேசியில் தொடர்பு கொள்ளலாம்.