13ல் தி.மு.க., பொது உறுப்பினர் கூட்டம்

சேலம்: வரும், 13ல் சேலம் மேற்கு மாவட்ட, தி.மு.க., பொது உறுப்பினர் கூட்டம் நடக்க உள்ளது.இதுகுறித்து அக்கட்சியின், சேலம் எம்.பி., செல்வகணபதி அறிக்கை:சேலம் மேற்கு மாவட்ட, தி.மு.க., பொது உறுப்பினர்கள் கூட்டம் வரும், 13 காலை, 9:00 மணிக்கு, சங்ககிரி - பவானி பிரதான சாலையில் உள்ள ஸ்ரீவாசுதேவ் மஹால் திருமண மண்டபத்தில் நடக்க உள்ளது. நகர்புற வளர்ச்சி துறை அமைச்சர் நேரு தலைமை வகிப்பார். எம்.எல்.ஏ., ராஜேந்திரன், கிழக்கு மாவட்ட செயலர் சிவலிங்கம் முன்னிலை வகிப்பர்.இந்த கூட்டத்தில் இன்னாள் எம்.எல்.ஏ., - எம்.பி.,க்கள், மாவட்ட நிர்வாகிகள், தலைமை, செயற்குழு, பொதுக்குழு உறுப்பினர்கள், நகர, ஒன்றிய, பேரூர், கிளை, வார்டு செயலர் உள்ளிட்ட நிர்வாகிகள், பல்வேறு அணி நிர்வாகிகள் உள்ளிட்ட கட்சியினர் தவறாமல் பங்கேற்க வேண்டும்.