தீப்பிடித்து எரிந்த கார்: 3 பேர் உயிர் தப்பினர்

ஈரோடு: ஈரோட்டில் கார் தீப்பிடித்து எரிந்த நிலையில், மூன்று பேர் உயிர் தப்பினர்.திருப்பூர் மாவட்டம் ஆண்டிபாளையம், குருவாயூரப்பன் நகரை சேர்ந்தவர் சரவணன், 45; அதே பகுதியை சேர்ந்தவர் குணசே-கரன், 63; இவரின் மனைவி விஜயலட்சுமி. மூவரும் ஈரோடு அசோகபுரத்தில் உள்ள பனியன் மார்க்கெட்டுக்கு, டஸ்டர் காரில் நேற்று காலை வந்தனர். சரவணன் காரை ஓட்டினார். ஈரோடு-நசி-யனுார் சாலை வில்லரசம்பட்டி நால்ரோடு அருகே, 6:20 மணிக்கு வந்தபோது, காரில் கருகும் வாடை, கரும்புகை வந்தது. இதனால் உஷாரான சரவணன், காரை சாலையோரம் ஓரம் கட்டி நிறுத்த, மற்ற இருவரும் உடனடியாக இறங்கினர். சில நிமிடங்களில் தீப்-பிடித்து கார் எரிய துவங்கியது.ஈரோடு தீயணைப்பு நிலைய வீரர்கள் தண்ணீரை பீய்ச்சி அடித்து, அரை மணி நேரம் போராடி அணைத்தனர். அதேசமயம் கார் முற்றிலும் எரிந்து விட்டது. பேட்டரியில் ஏற்பட்ட மின் கசிவால் தீப்பிடித்தது தெரிய வந்தது.