கோவை - லோகமான்ய திலக் ரயில் 4 மணி நேரம் தாமதம்

சேலம்: கோவை - லோகமான்ய திலக் ரயில், நேற்று 4 மணி நேரத்துக்கும் மேல் தாமதமாக இயக்கப்பட்டதால், முன்பதிவு செய்த பயணிகள் அவதிக்குள்ளாகினர்.கோவை - மும்பை லோகமான்ய திலக் ரயில், தினமும் இயக்கப்பட்டு வருகிறது. நேற்று காலை, 8:50 மணிக்கு கிளம்ப வேண்டிய கோவை - லோகமான்ய திலக் எக்ஸ்பிரஸ், 4 மணி நேரம், 45 நிமிடம் தாமதமாக, மதியம் 1:35 மணிக்கு புறப்பட்டது. காலை, 11:20 மணிக்கு சேலம் வர வேண்டிய இந்த ரயில் மாலை, 4:04 மணிக்கு வந்தது.நான்கு மணி நேரத்துக்கும் மேல் தாமதமாக வந்ததால், முன்பதிவு செய்து ஈரோடு, திருப்பூர், சேலம், தர்மபுரி ஸ்டேஷன்களில் காத்திருந்த பயணிகள் கடும் அவதிக்குள்ளாகினர். மறு மார்க்க ரயில் வருவதில் ஏற்பட்ட தாமதமே, இதற்கு காரணம் என, ரயில்வே நிர்வாகம் தெரிவித்துள்ளது.